Wadau waunga mkono Serikali Uboreshaji Elimu awali na Msingi Siha

Posted on: October 7th, 2024

WADAU WA ELIMU WAUNGA MKONO JUHUDI ZA SERIKALI KUBORESHA ELIMU-SIHA KILIMANJARO

Leo, tarehe 7 Oktoba 2024, Mheshimiwa Dkt. Christopher Timbuka, Mkuu wa Wilaya ya Siha, amefanya mapokezi ya madarasa 3, madawati 94, na matundu 16 ya vyoo katika Shule ya Msingi Ngaritati, Kata ya Makiwaru.

Tunatoa shukrani za dhati kwa Wafadhili wetu kutoka shirika la ECLAT Development Foundation kutoka Ujerumani kwa ufadhili wa vifaa hivi muhimu, vinavyosaidia kuboresha mazingira ya kujifunzia na kuongeza fursa za elimu kwa watoto wa jamii ya Wananchi wa Kijiji cha Ngaritati.

 Msaada huu uliotolewa na wadau hawa muhimu wa elimu umeonesha juhudi zao za kuungana na Serikali ya awamu ya Sita wa kuboresha sekta ya Elimu ya awali na Msingi na  utachangia pakubwa katika maendeleo ya shule na kuongeza kiwango cha elimu katika wilaya yetu.

"Tunatarajia kuendelea na ushirikiano huu mzuri kwa ajili ya maendeleo ya kijamii" alisema na kuongeza Dkt.Timbuka.

Awali akisoma Taarifa ya mradi huo Mwalimu Mkuu wa Shule ya Msingi Ngaritati Mwalimu Geoffrey Sikana alisema kuwa mradi umegharimu jumla ya shilingi milioni 142.

Katika hafla hiyo ya makabidhiano Naibu Waziri wa Afya na Mbunge wa Jimbo la Siha Mhe.Dkt.Godwin Mollel alihudhuria na kuwashukuru Wafadhili hao kwa msaada mkubwa waliotoa kwa jamii ya Ngaritati na Siha kwa ujumla.