chanjo ya Polio kutolewa kwa watoto chini ya miaka 5 Wilayani Siha

Posted on: August 30th, 2022

Mkuu wa Wilaya ya Siha mhe. Thomas Apson amewaagiza  Wenyeviti wa Vijiji  wote katika Wilaya ya Siha kushirikiana na Wataalam wa Afya katika kufaniksiha zoezi la utoaji wa chanjo ya Polio kwa watoto wenye umri chini ya miaka mitano inayotarajiwa kufanyika Wilaya ya Siha kuanzia tarehe 1/9/2022 hadi tarehe 4/9/2022

mhe. Thomas Apson (katikati)Mkuu wa Wilaya ya Siha akiongoza kikao cha wajumbe wa kamati ya afya ya  msingi Wilaya ya Siha 30 Agosti,2022

Kauli hiyo ameitoa leo siku ya Jumanne 30 Agosti,2022 katika ukumbi wa mikutano wa Halmashauri ya Wilaya ya Siha katika kikao na Wajumbe wa kamati ya Afya ya msingi Wilaya ya Siha(Primary Health Care Commitee) ambapo kikao kilihudhuriwa na wajumbe mbalimbali.

awali akiwasilisha taarifa katika kikao hicho mratibu wa chanjo Wilaya ya Siha Paul Isack alisema kuwa, Wilaya ya Siha imepanga kampeni kabambe ya kutoa chanjo ya polio kwa watoto wenye  umri wa  chini ya miaka mitano katika Vijiji vyote 60 Wilayani Siha.

Baadhi ya wajumbe wa kikao cha afya ya msingi Wilaya ya siha wakisikiliza mada mbalimbali

Alisema kuwa katika kampeni hiyo jumla ya watoto zaidi ya elfu 27 wanatarajiwa kupata chanjo hiyo ambayo sasa ni awamu ya tatu kutolewa,alieleza kuwa zoezi litafanyika kuanzia tarehe siku ya Alhamis tarehe 1/09/2022 hadi jumapili tarehe 4/9/2022.

Paul Isack mratibu wa chanjo Wilaya ya Siha akiwasilisha taarifa fupi ya zoezi la chanjo ya polio kwa wajumbe wa kikao

Katika kikao hicho  mkuu wa Wilaya ya Siha ametoa wito kwa wananchi na wakazi wa Wilaya ya Siha kuhakikisha kuwa watoto wote wenye umri chini ya miaka mitano wanapatiwa chanjo ili kujikinga na madhara mbambali yanayoweza kutokea kutokana na ugonjwa wa Polio.

Napenda kuwaomba na kuwahimiza Viongozi wote wa Vijiji kuhakikisha kuwa wanasimamia na kuwaongoza wataalam wa afya watakaopita katika kaya zilizopo katika Vijiji vyote 60 katika Wilaya ya Siha na kuhakikisha kuwa wananchi wanapata taarifa kwa kupatiwa matangazo kutoka Uongozi wa Vijiji husika

mhe.Duncan Urassa Mwenyekiti Halmashauri ya Siha akichangia mada katika kikao 30 Agosti,2022

Katika Kikao hicho mwenyekiti wa Halmashauri ya Wilaya ya Siha mhe.Duncan Urassa amesema kuwa ili kampeni mbalimbali ziweze kufanikiwa ni budi kushirikisha viongozi wa jamii hususani Wenyeviti wa Vijiji na Vitongoji kwani wao ndio wenye watu na wapo karibu zaidi na wananchi.