Vituo vya Utafiti wa mifugo vyatakiwa kuwasaidia wafugaji hapa Nchini

Posted on: February 25th, 2018

Waziri wa mifugo na Uvuvi mhe. Luhaga Mpina ameviagiza vituo vya utafiti wa masuala ya mifugo hapa nchini kuwasaidia wananchi katika kuboresha sekta ya mifugo hapa nchini.

Waziri Mpina ameyasema hayo leo tarehe 25 Februari 2018  katika kituo mojawapo cha ranchi ya taifa ya mifugo  NARCO iliyopo Wilaya ya Siha eneo la West Kilimanjaro karibu na makao makuu ya Halmashauri ya wilaya ya Siha.

alieleza kuwa serikali ya Tanzania tangu hapo mwanzo kipindi cha Uhuru wa Tanzania ilikuwa na malengo ya kuanzisha ranchi za taifa kwa malengo ya kuhifadhi mbegu bora na kuwasaidia wafugaji kupata elimu ya ufugaji bora wa kujiongezea kipato.

"napenda kutoa wito kwa viongozi wa Wilaya ya Siha kuhakikisha kuwa hakuna uvamizi unaendelea katika maeneo yote  ya Serikali yaliyotengwa kwa ajili ya kuendeleza sekta ya mifugo na yeyote atakayekaidi agizo hili basi hatua kali za kisheria zichuliwe dhidi yake"  alisema Mpina.