Vishikwambi 530 vyapokelewa Siha DC

Posted on: December 22nd, 2022

Halmashauri ya Wilaya ya Siha Mkoa wa Kilimanjaro leo tarehe 22/12/2022  imepokea vifaa vya kisasa vya Tekinolojia (vishikwambi) Kwa ajili ya kuboresha sekta ya elimu Wilayani Siha.

Vifaa hivyo vimekabidhiwa Kaimu Mkurugenzi Mtendaji Dkt.Barnabas Mbwambo  Leo katika ofisi ya mdhibiti Ubora wa Shule Wilaya ya Siha mwalimu Robert Assey.

Kabla ya kukabidhi vifaa hivyo,mwalimu Robert Assey alisema kuwa wanakabidhi vishikwambi 530 Kwa Mkurugenzi Mtendaji Halmashauri ya Wilaya ya Siha ili vikatumike Kwa maelekezo yatakayotolewa na Ofisi ya Rais Tamisemi.

Akipokea vishikwambi 530 ,Kaimu Mkurugenzi Mtendaji Halmashauri ya Wilaya ya Siha Dkt.Barnabas Mbwambo Kwa Niaba ya Mkurugenzi Mtendaji alisema kuwa vifaa vilivyopokelewa vitatumika Kwa malengo yaliyokusudiwa.

Vishikwambi (tablets) 530 vimetolewa na Serikali ya awamu ya Sita inayoongozwa na mhe.Dkt.Samia Suluhu Hassan Rais wa Jamhuri ya Muungano wa Tanzania.