Viongozi watakiwa kutatua kero za Wananchi

Posted on: June 10th, 2024

Viongozi wa Vijiji watakiwa kutatua kero za Wananchi

Mkuu wa Wilaya ya Siha Mhe Dkt Christopher Timbuka amewataka viongozi katika Halmashauri za Vijiji Tarafa ya Siha Kusini kuwasikiliza wananchi na kutatua kero na changamoto zinazowakabili.

Akizungumza wakati wa kikao kazi na halmashauri ya vijiji sita (6) vya Tarafa ya Siha kusini kilichofanyika katika shule ya awali na msingi munge, Mhe Dkt Christopher Timbuka amewataka viongozi hao  kutokuwa chanzo cha migogoro maeneo wanayoyasimamia.

Amewataka kusikiliza kero za wananchi na kuzitatua, na kuzifikisha katika mamlaka za juu changamoto zilizopo nje ya uwezo wao na zinahitaji ufuatiliaji viongozi wa ngazi ya Wilaya na Mkoa ili zitafutiwe ufumbuzi wa haraka.

“Wasikilizeni wananchi, nyinyi msiwe chanzo cha kero, muwe sehemu ya usuluhishi wa kero na zile zinazowashinda naomba mziwasilishe kwetu tuzitafutie ufumbuzi wa haraka kwa manufaa ya wananchi wetu” amesema Mhe Dkt Christopher Timbuka.

Kikao hicho chenye lengo la kutoa elimu ya kubainisha na kupima mikapa ya vijiji ili kuviwezesha kuwa na ramani zinazoonesha maeneo ya vijiji kilihudhuriwa na Maafisa Ardhi wa Mkoa wa Kilimanjaro, Mwakilishi wa Kamishna wa Ardhi Mkoa, Mtekelezaji wa maelekezo ya baraza la mawaziri Mkoa, Kaimu Mkurugenzi Mtendaji wa Halmashauri ya Wilaya ya Siha, Maafisa Ardhi Wilaya, Watendaji wa Vijiji, Wenyeviti na Wajumbe wa Halmashauri za Vijiji.