Viongoji wapya wa Vijiji 06,Vitongoji 08 Waapishwa katika Halmashauri ya Siha-Kilimanjaro

Posted on: July 12th, 2022

VIONGOZI WA VIJIJI 06,VITONGOJI 08 WAAPISHWA LEO TAR 12 JULAI,2022 WILAYANI SIHA

Halmashauri ya Wilaya ya Siha mkoani Kilimanjaro leo jumanne tarehe 12 Julai,2022 imefanya zoezi la kuapisha Wenyeviti wapya wa Vijiji 06 na Vitongoji 08 na baadhi ya Wajumbe wa Serikali za Vijiji waliochaguliwa katika uchaguzi wa marudio wa tarehe 26.6.2022  

                                    Zoezi hili limefanyika katika ukumbi wa mikutano wa Halmashauri ya Wilaya ya  Siha kufuatia kufanyika kwa uchaguzi wa marudio katika maeneo husika  na kushudiwa na  viongozi mbalimbali wakiwemo baadhi ya Waheshimiwa Madiwani wa katika Kata za Jirani

Mkurugenzi Mtendaji wa Halmashauri ya Wilaya ya Siha ndugu Pendo Mangali akiongea na viongozi hao alitoa wito kwa viongozi waliochaguliwa kuwa karibu zaidi na Wananchi na kutoa huduma kwa haki bila upendeleo wa aina yoyote.  
                                 
Napenda kuwapongeza kwa kuchaguliwa kwenu na Wananchi na kukubali kwenu kuja kupata kiapo cha utii kwa ajili ya kuwatumikia wananchi alisema Mangali.

Wenyeviti wapya walioapishwa leo ni kutoka Vijiji vya Munge,Mae Juu,Mendai,Ngumbaru,Olkolili na Mlangoni pamoja na Vitongoji 8 vya Isabilony,Darajani,Mawasiliano,Kashopu Laktore,Mkombozi A,Donyomuruak,Oleiwang na Megwara

Aidha,katika zoezi hilo pia Wajumbe 05 wa Kijiji cha Mae Juu na Wajumbe 21 wa Kijiji cha Munge wameapishwa rasmi na kuanza kazi kuanzia leo tarehe 12 Julai,2022