Vikundi 17 vyapatiwa elimu Wilayani Siha

Posted on: July 6th, 2018

Halmashauri ya Wilaya ya Siha kupitia idara ya maendeleo ya jamii imetoa elimu kwa vikundi 17 vya wanawake. 

Mafunzo hayo ya siku moja yametolewa leo tarehe 6 julai,2018 katika ukumbi wa mikutano wa halmashauri ya Siha. 

Zoezi la kufanyika mafunzo limeandaliwa na halmashauri ya Siha na kuhudhuriwa na viongozi wa vikundi 17 vya wanawake pamoja na wanachama zaidi ya 100 kutoka vikundi vya ujasiriamali.

Lengo la mafunzo ni kuwajengea uwezo vikundi mbalimbali vya wanawake vilivyopatiwa mikopo na halmashauri ya Siha ili kutimiza malengo yao. 

Mwanzoni wa mwezi Julai, 2018 halmashauri ya Wilaya ya Siha imetoa mikopo kwa vikundi 11 vya wanawake yenye thamani ya shilingi milioni 33.

Katika mkopo huo kila kikundi kimepatiwa shilingi milioni 3 ,ambapo zaidi ya wanachama 185 wamenufaika na mkopo huo. 

Mratibu wa mafunzo hayo ndugu Marko Masue ambaye pia ni ofisa wa maendeleo ya jamii aliwataka wanawake kutumia elimu waliyopatiwa ktk kuendeleza vikundi na kuweza kuzalisha zaidi kwa manufaa ya vikundi na jamii kwa ujumla. 

Halmashauri ya Siha imeweka mpango wa kutoa mafunzo ya uendeshaji wa vikundi vyote vya wanawake na vijana ktk mwaka mpya wa fedha 2018/2019.