Usajili wa. Anwani za Makazi Siha wafikia zaidi ya 97%

Posted on: April 5th, 2022

Zoezi la usajili wa Mfumo wa Anwani za Makazi Wilaya ya Siha umefikia  zaidi ya asilimia 97 

Mkurugenzi Mtendaji wa Halmashauri ya Siha ndugu Upendo Mangali leo tarehe 5 Aprili,2022 ametoa pongezi kwa  vijana wataalam 182 waliopatiwa ajira ya muda ya kufanikisha kazi hii muhimu ya Kitaifa

Amewashukuru pia viongozi mbalimbali  katika Wilaya ya Siha kwa kuonesha ushirikiano wa kutosha tangu mwanzo wa zoezi hili Hadi wakati huu linapoendelea na kufikia hatua nzuri.

Ameeleza kuwa ,awamu ya pili ni kazi ya uwekaji wa vibao katika mitaa na katika Taasisi mbalimbali maeneo mbalimbali ya Wilaya ya Siha 

Naomba kutoa wito kwa wadau mbalimbali wa maendeleo katika Wilaya ya Siha kuendelea kutuunga mkono katika zoezi la uwekaji wa vibao alisema Mangali.

Halmashauri ya Wilaya ya Siha imeweka lengo la kuanisha ñamba na kusajili katika mfumo wa Anwani za Makazi nyumba 29,890