Ukusanyaji Mapato ya Ndani Siha wafikia asilimia 76

Posted on: April 21st, 2021

Ukusanyaji Mapato ya Ndani Siha wafikia asilimia 76

Baraza la Madiwani wa Halmashauri ya Wilaya ya  Siha limetoa pongezi kwa Mkurugenzi Mtendaji wa Halmashauri ya Siha ndugu Ndaki Mhuli kwa kufanikisha ongezeko kubwa la ukusanyaji wa Mapato ya Ndani ya Halmashauri.

Pongezi hizo zimetolewa na Mwenyekiti wa Halmashauri ya Siha mhe. Duncan Urassa  kwa niaba ya baraza la Madiwani katika mkutano wa Baraza uliofanyika siku ya jumatano tarehe 21/04/2021 katika ukumbi wa Mikutano Halmashauri ya Siha.

Katika Mkutano huo,Madiwani waliopata nafasi ya kuchangia hoja mbalimbali waliendelea kumimina sifa na pongezi kwa Mkurugenzi wa Halmashauri pamoja na watumishi wa Halmashauri ya Siha kwa usimamizi mzuri wa miradi ya maendeleo pamoja na ukusanyaji wa mapato ya ndani ya Halmashauri.

Mkutano huo wa kawaida wa  baraza la Madiwani umefanyika kwa lengo  la  kupitia taarifa za Halmashauri kwa kipindi cha robo ya tatu(januari hadi Machi 2021) ya mwaka wa fedha 2020/2021

Hadi kufikia mwisho wa mwezi wa Machi 2021,Halmashauri ya Siha imefanikiwa kukusanya mapato kwa zaidi ya asilimia 76, hii inajumuisha ukusanyaji wa mapato ya ndani ambayo siyo lindwa(not protected) ni asilimia 90 na mapato lindwa (protected) kwa asilimia 41 na kufanya wastani kuwa asilimia 76.