Tukio la Uzinduzi wa Vitabu vya uboreshaji Elimu Msingi na Sekondari Wilaya ya Siha

Posted on: September 23rd, 2022

Mkuu wa Wilaya ya Siha mhe. Thomas Apson leo tarehe 23 Septemba,2022 amezindua vitabu vya uboreshaji wa elimu msingi na sekondari vilivyotolewa na Serikali ya  awamu ya sita inayoongozwa na  mhe. Samia Suluhu Hassan Rais wa Jamhuri ya Muungano wa Tanzania.

Uzinduzi huo umefanyika katika ukumbi wa mikutano wa Halmashauri ya Wilaya ya Siha mkoa wa Kilimanjaro na kushuhudiwa na Wakuu wa Divisheni na Vitengo Halmashauri ya Wilaya ya Siha pamoja na Maofisa elimu kata,Wakuu wa shule za Sekondari,Walimu wakuu na Wadhibiti Ubora wa shule.

Akitoa taarifa kabla ya shughuli ya uzinduzi,Mkurugenzi Mtendaji wa Halmashauri ya Wilaya Upendo Mangali amesema kuwa Serikali ya Rais Samia Suluhu Hassan imetoa vitabu bure  vya kuboresha elimu kwa shule za msingi na sekondari za umma na binafsi kuanzia darasa la kwanza hadi kidato cha sita.

Napenda kutoa wito kwa Maofisa elimu,Wakuu wa shule na Walimu wakuu kuhakikisha kuwa wanasimamia vema matumizi sahihi ya vitabu vilivyotolewa na serikali na mwisho wa siku kiwango cha ufaulu kizidi kupanda katika Wilaya yetu,Mkoa wa Taifa kwa ujumla alisema Upendo Mangali-DED SIHA