TUJITOKEZE KWA WINGI KUUPOKEA MWENGE WA UHURU – DC SIHA

Posted on: March 18th, 2024

Mkuu wa Wilaya ya Siha Mhe Dkt Christopher Timbuka amewaomba wananchi wa Kata ya Biriri kujitokeza kwa wingi kuupokea Mwenge wa Uhuru utakaopokelewa katika Wilaya Aprili 04, 2024 katika Kata ya Ormelili ukitokea Wilaya jirani ya Hai.

Mhe Dkt Timbuka ametoa wito huo leo Machi 18, 2024 katika kikao na wananchi wa Kata hiyo cha kusikiliza kero na kuzitolea ufafanuzi na ufumbuzi kilichofanyika kwenye viwanja vya ofisi za kata hiyo.

Amesema uzinduzi wa mbio za mwenge wa uhuru Kitaifa na ngazi ya Mkoa utafanyika katika viwanja vya Chuo Kikuu cha Ushirika Moshi Aprili o2, 2024 na baadae kukimbizwa katika Wilaya hivyo wananchi wanatakiwa kushiriki kwa wingi.

“Mwenge ni mgeni wetu, nategemea sisi tutajumuika kwa wingi katika mapokezi, wakati wa kuukimbiza mwenge wa uhuru ndani ya Wilaya ya Siha na kwenye mkesha utakaofanyika katika viwanja vya CCM Sanya Juu siku hiyo ya tarehe 04/04/2024 na tarehe 05/04/2024 tutakapokabidhi katika Wilaya ya Rombo” amesema Mhe Dkt Timbuka.

wananchi wa Kata ya Biriri wakiwa kwenye kikao cha kusikiliza kero na Mkuu wa Wilaya ya Siha Mhe Dkt Christopher Timbuka kilichofanyika leo Machi 18, 2024 katika viwanja vya ofisi ya kata hiyo.