Toeni huduma bora kwa Wananchi Hospitali ya Wilaya ya Siha

Posted on: July 27th, 2023

Mkurugenzi Mtendaji Halmashauri ya Wilaya ya Siha Mkoa wa Kilimanjaro Dkt. Haji Mnasi leo tarehe 27 Julai,2023 amewataka Watumishi katika Hospitali ya Wilaya ya Siha kuimarisha utoaji wa huduma bora kwa Wananchi na Wakazi wa Wilaya ya Siha.

Hayo ameyasema leo alipotembelea Hospitali hiyo na kukagua shughuli mbalimbali za utoaji wa huduma za afya huku akiwataka Madaktari na Wauguzi wa Hospitali hiyo ya Serikali kuendelea kutoa huduma nzuri kwa wagonjwa wote wanaofika hospitalini hapo.

Daktari Mnasi amewapongeza  Madaktari na Wauguzi wa Hospitali ya Wilaya ya Siha kwa jinsi wanavyotimiza majukumu yao ya kuwapatia huduma za afya wananchi ambazo zimesaidia kupunguza malalamiko yaliyokuwepo miaka ya hivi karibuni.

"Napenda kuwahakikishia kuwa mimi kama mtumishi mwenzenu na Mwajiri nitaendelea kutatua baadhi ya changamoto ndogo ndogo zinazowakabili baadhi ya watumishi wa sekta ya Afya ambayo kwa kiasi kikubwa Serikali ya Mhe. Dkt. Samia Suluhu Hassan Rais wa Jamhuri ya Muungano wa Tanzania ametoshaondoa changamoto za madaraja kwa Watumishi,malipo ya likizo na mengine mengi" alisema na kuongeza Dr. Mnasi