Watumishi wa Umma Wanamichezo Siha washiriki Bonanza hifadhi ya Taifa ya Ngorongoro

Posted on: May 6th, 2019

Watumishi wa Umma katika halmashauri ya Wilaya ya Siha mkoa wa  Kilimanjaro  wamefanya ziara ya kimichezo katika hifadhi ya Taifa ya ngorongoro kuanzia tarehe 3/5/2019 hadi tarehe 5/5/2019 

lengo la ziara hiyo ilikuwa kushiriki Bonanza la michezo pamoja na kutembelea hifadhi ya Taifa ya Ngorongoro

Jumla ya watumishi wa Umma wanamichezo 31wameshiriki katika ziara hiyo kwa gharama binafsi hapo hamasa ya watumishi wengi zaidi walitaka kushiriki katika ziara hiyo kwa Bahati mbaya walikosa nafasi. 

Ziara hii muhimu imetokana na mwaliko wa hifadhi ya Taifa ya Ngorongoro kwa watumishi wa halmashauri ya Siha mkoa wa Kilimanjaro, hii imetokana na uhusiano mzuri uliopo kati ya Halmashauri ya Siha na mamlaka ya hifadhi ya Ngorongoro. 

Pamoja na kutembelea hifadhi ya Taifa ya Ngorongoro pia watumishi wa halmashauri ya Siha wametimiza wito wa Serikali ya awamu ya tano ya kuwasaka Watanzania kutembelea hifadhi za Taifa kwa lengo la kujionea vivutio vilivyopo na kuchangia pato la Taifa badala ya kusubiri Wageni kutoka nje ya Nchi.