TAWREF Yatambulisha Mradi wa Mjenge Mtoto Kwanza Wilaya ya Siha

Posted on: August 29th, 2024

Mkuu wa Divisheni ya Mipango na Uratibu Costantine Mtiti (kwanza kulia) kwa niaba ya Mkurugenzi Mtendaji Dkt Haji Mnasi akifuatilia wasilisho la mradi wa Mjenge Mtoto Kwanza (Early Childhood Development) unaotekelezwa na shirika la Tanzania Women Research Foundation - TAWREF katika kata ya Donyomurwak, Kijiji cha Embukoi kwenye Kitongoji cha Lembolosi kwa kujenga darasa shikizi la awali moja lenye ofisi ya mwalimu na choo cha watoto.

Utambulisho wa mradi wa Mjenge Mtoto kwanza katika Halmashauri ya Wilaya ya Siha umefanyika leo Agosti 29, 2024 katika ukumbi mdogo wa makao makuu ya Halmashauri.

Mradi huo unalenga kuwaondolea watoto wa awali adha ya kutembea umbali wa kilomita 7 kwenda shule, kuwapa fursa ya ujifunzaji wa awali na kuwasaidia katika ukuaji waweze kuwa watu bora katika jamii.

Akizungumza baada ya utambulisho wa mradi, Costantine Mtiti amelishukuru shirika la TAWREF kwa kuendelea kumjali mtoto na kuichagua Wilaya ya Siha kutekeleza mradi huo wenye lengo la kuwasaidia watoto ili kuwajenga kiakili na kimakuzi.

Amesema Serikali itaendelea kutoa ushirikiano kwa taasisi hiyo ili kuwezesha shughuli za ujenzi wa darasa hilo la awali katika kitongoji cha Lembolosi unakamilika na kuleta manufaa yaliyokusudiwa kwa watoto.

Meneja wa mradi wa Mjenge Mtoto Kwanza kutoka taasisi ya Tanzania Women Research Foundation - TAWREF akitambulisha mradi huo kwa Viongozi wa Halmashauri ya Wilaya ya Siha leo Agosti 29, 2024 kwenye ukumbi mdogo wa makao makuu ya Halmashauri.

Mkuu wa Divisheni ya Mipango na Uratibu Costantine Mtiti (kwanza kulia) kwa niaba ya Mkurugenzi Mtendaji Dkt Haji Mnasi akifuatilia wasilisho la mradi wa Mjenge Mtoto Kwanza (Early Childhood Development) unaotekelezwa na shirika la Tanzania Women Research Foundation - TAWREF pamoja na maafisa wengine wa Halmashauri ya Wilaya ya Siha leo Agosti 29, 2024 kwenye ukumbi mdogo wa makao makuu ya Halmashauri.