Siha yapitisha bajeti ya Kishindo shilingi Bilioni 19.4 mwaka 2021/2022

Posted on: February 1st, 2021

Baraza la Wah. Madiwani wa Halmashauri ya Wilaya ya Siha Kilimanjaro limefanya mkutano maalum tarehe 30/1/2021 na  kupitisha bajeti ya Halmashauri yenye jumla ya shilingi Bil.19.4.

Mkutano huo maalum  wa kupitisha bajeti ya Halmashauri umefanyika kwa mujibu wa taratibu na sheria zinazoongoza Serikali za mitaa hapa nchini ya mwaka 1982,ambapo Wah. Madiwani wa Kata 17 katika Wilaya ya Siha pamoja na Wah. Madiwani 6 wa viti Maalum kwa pamoja wamepitisha mapendekezo ya bajeti ya Halmashauri ya Siha yenye jumla ya shilingi. Bil.19.4 kwa mwaka wa fedha 2021/2022.

Katika Bajeti hiyo fedha za makusanyo ya ndani ya Halmashauri ni Shilingi 1.5 Bilioni,Fedha za Ruzuku kutoka Serikali kuu ni Shilingi Bil.16.8 na fedha kutoka washirika wa maendeleo ni shilingi 1.09 Bilioni.

Aidha katika mapendekezo ya bajeti kwa mwaka wa fedha 2021/2022 fedha za makusanya ya ndani ya Halmashauri zimeongezeka kwa zaidi ya shilingi Mil.300 ukilinganisha na bajeti ya mwaka wa fedha unaendelea sasa wa mwaka 2020/2021