Siha yanufaika ujio wa Makamu wa Rais wa Tanzania

Posted on: November 14th, 2018

Siha yapata Mafanikio makubwa ziara ya Makamu wa Rais tarehe 13/11/2018

Wilaya ya Siha Mkoa wa Kilimanjaro imepata mafanikio makubwa yaliyotokana na ziara  ya siku moja tarehe 13/11/2018 ya Makamu wa Rais wa Jamhuri ya Muungano wa Tanzania mhe. Samia Suluhu Hassan.

Katika ziara hiyo ya siku moja ya Mhe Samia Suluhu Hassan Makamu wa Rais wa Jamhuri ya Muungano wa Tanzania ambapo  aliweka jiwe la msingi katika Hospital ya Wilaya ya Siha na kuahidi Serikali kutoa shilingi 1.5 bilioni kwa ajili ya ujenzi wa majengo mbalimbali ya kutolea huduma.

Makamu wa Rais wa Tanzania mhe Samia Suluhu Hassan akiweka jiwe la msingi katika Hospital ya Wilaya ya Siha tarehe 13/11/2018

Pili,Serikali kupitia Waziri wake wa  Ardhi, Nyumba na maendeleo ya Makazi mhe William Lukuvi iliwatoa hofu wananchi wa Kijiji cha Kilari kuwa hawatahamishwa katika eneo wanaloishi kutokana na mgogoro uliokuwepo hapo awali.

Tatu, Makamu wa Rais wa Jamhuri ya Muungano wa Tanzania alitoa ahadi ya kuwapatia maeneo ya makazi wananchi wa Kata za Ngarenairobi na Ndumeti Tarafa ya Siha Magharibi.

Nne,Serikali kupitia Waziri wa Ofisi ya Rais TAMISEMI mhe Suleiman Jaffo imetoa ahadi ya kuwapatia kituo cha afya Wananchi wa Kata ya Ndumeti hususani kijiji cha Matadi,kupatikana kwa kituo hicho kutasaidia kuwapunguzia wananchi usumbufu wa kutembea umbali mrefu kufuata huduma za afya

Pia, Makamu wa Rais wa Tanzania ametoa ahadi ya Serikali ya Jamhuri ya Muungano wa Tanzania chini ya uongozi wa Rais Magufuli kuendelea kuboresha miundombinu ya ujenzi wa  barabara  katika Wilaya ya Siha.

Wananchi wa Tarafa ya West Kilimanjaro walimpokea makamu wa Rais wa Jamhuri ya Muungano wa Tanzania kifalme baada ya kuwasili kijiji cha Matadi siku ya Jumanne tarehe 13/11/2018.