Siha vinara utoaji huduma za afya mkoani Kilimanjaro 2018

Posted on: July 20th, 2018

Halmashauri ya Wilaya ya Siha imeshika nafasi ya kwanza mkoa wa kilimanjaro kwa utoaji bora wa huduma za afya katika vituo vya kutolea huduma za afya kwa mwaka 2018.

Tuzo hiyo imetolewa na mheshimiwa Anna Mghwira Mkuu wa Mkoa wa Kilimanjaro  alipokutana na wadau wa afya mkoa wa kilimanjaro  Wilayani Mwanga hivi karibuni.

Kabla ya kutoa tuzo hiyo Mkuu wa mkoa wa Kilimanjaro alizitaka Halmashauri nyingine katika mkoa wa Kilimanjaro kuiga mfano wa halmashauri ya Wilaya ya Siha ili kufikia malengo ya Serikali ya awamu ya tano katika uboreshaji wa huduma za afya kwa jamii.

akipokea tuzo hiyo mkurugenzi Mtendaji wa Halmashauri ya Wilaya ya Siha Valerian Juwal aliwapongeza na kuwashukuru watumishi wa afya katika Halmashauri ya Wilaya ya Siha kwa kutimiza majukumu yao vema na kuiletea halmashauri ya siha sifa kubwa ndani ya mkoa wa Kilimanjaro.

"Napenda kuwapongeza sana watumishi wa sekta ya afya katika Halmashauri yangu kwa kufanya kazi nzuri,hivyo nawaomba muendelee na huduma yenu nzuri ili mwakani tena siha izidi kushika hatamu" alisema Juwal.

Mkuu wa mkoa wa Kilimanjaro Mhe Anna Mghwira akikabidhi tuzo ya mshindi wa kwanza huduma bora za afya mkoa wa kilimanjaro 2018 kwa viongozi wa Wilaya na Halmashauri ya  Siha tarehe 19 julai,2018 alipokutana na wadau mkoa Wilayani Mwanga

Halmashauri ya Wilaya ya Siha imefanikiwa kushika nafasi ya kwanza mkoa wa Kilimanjaro mwaka 2018 na kuzishinda halmashauri nyingine 6 katika mkoa wa kilimanjaro. 

Mkoa wa Kilimanjaro unajumla ya Halmashauri 7 huku Halmashauri ya wilaya ya siha ikiwa ni Halmashauri changa kuanzishwa ukilinganisha na nyingine zilizopo

Halmashauri ya Wilaya ya Siha ina jumla ya Zahanati 15,vituo vya afya 5 na hospital 2,hospital  moja ya Wilaya na nyingine hospital ya taifa ya kifua kikuu.