Wilaya ya Siha vinara elimu shirikishi mashuleni:Mkurugenzi Autism Tanzania

Posted on: September 16th, 2022

Wilaya ya Siha Mkoa wa Kilimanjaro imeendelea kupongezwa kwa kuwa vinara wa kutumia zana za kufundishia na utoaji wa elimu jumuishi katika shule za msingi jambo linalochangia ufaulu wa watoto katika mitihani mbalimbali.

Pongezi hizo zimetolewa leo tarehe 16/099/2022 na Bi Grace Lyimo ambaye ni  Mkurugenzi wa shirika lisilo la Kiserikali linalojulikana kwa jina la Conects Autism Tanzania(elimu Jumuishi) kwa kutumia zana za kufundisha katika shule za msingi.

Amesema kuwa Wilaya ya Siha ndiyo Wilaya ya pekee hapa Tanzania kwa kutumia mbinu jumuishi za kufundisha watoto wa shule za msingi na wamepata mafanikio makubwa sana hasa kwa watoto wenye ulemavu na wale wasio na ulemavu.

Haya ameyasema leo alipokuwa katika uzinduzi wa zana za kufundishia uliofanyika katika shule ya msingi Sanya Juu Wilaya ya Siha ambapo katika uzinduzi huo mgeni Rasmi alikuwa Mkurugenzi Mtendaji wa Halmashauri ya Wilaya ya Siha ambaye aliwakilishwa na Dkt. Barnabas Mbwambo.

Baadhi ya Walimu wa shule za msingi  Siha wakipatiwa mafunzo ya mbinu bora za elimu jumuishi

Akitoa hotuba ya uzinduzi wa zana za kufundishia,Kaimu Mkurugenzi Dkt. Barnabas Mbwambo aliwaomba shirika hilo la Conect Autism Tanzania kuangalia uwezekano wa kuongeza misaada zaidi kwa shule za msingi zilizopo katika Wilaya ya Siha kwa mahitaji bado ni makubwa sana

"Naomba kutoa wito kwa walimu wa shule za msingi za Wilaya ya Siha kufika katika shule ya msingi Sanya Juu kwa lengo la kujifunza namna bora ya kuandaa na kutumia zana za kufundisha mashuleni ili kuongeza uelewa wa wanafunzi na hatimaye kuongeza ufaulu" alisema Dkt. Barnabas  Mbwambo