Shughuli za ujenzi wa Hospital ya Wilaya zinaendelea

Posted on: June 29th, 2017

Shughuli za ujenzi na ukamilishwaji wa miundo mbinu katika Hospital ya Wilaya ya Siha zinaendelea kwa kasi kubwa.

Mkuu wa Wilaya ya Siha Mhe Onesmo Buswelu ametembelea na kukagua ujenzi na ukamilishwaji wa miundombinu unaoendelea katika hospital hiyo.

Serikali ya Jamhuri ya Muungano wa Tanzania imetoa shilingi milioni 250 kwa Halmashauri ya Siha ili kukamilisha sehemu ya miundombinu katika Hospital hiyo ya Serikali ya Wilaya ya Siha.

Mkurugenzi Mtendaji Halmashauri ya Siha Ndugu Valerian Juwal akikagua baadhi ya vifaa vinavyotumika katika ujenzi huo

Ujenzi unaoendelea ni wa kukamilisha chumba cha upasuaji na sehemu ya wodi ya wajawazito,ambapo kukamilika kwa ujenzi huo kutasaidia kuokoa gharama za mafuta ya magari ya wagonjwa yanayotumika kupeleka wajawazito hospital ya Mkoa ya Mawenzi na ile ya Rufaa ya KCMC