Serikali yakamilisha ujenzi wa Maabara Dahani Sekondari-Siha

Posted on: August 4th, 2022

Serikali ya Jamhuri ya Muungano wa Tanzania ya  awamu ya Sita imeendelea kuboresha na  kukamilisha miundombinu ya shule hususani katika ujenzi wa maabara ya masomo ya sayansi kwa shule za Sekondari Wilayani Siha.

Sehemu ya ndani ya maabara iliyokamilika katika shule ya sekondari Dahani Kata ya Livishi Wilaya ya Siha

Katika kipindi cha mwaka wa fedha 2021/2022 Serikali ya Mhe. Samia Suluhu Hassan ilitoa kiasi cha fedha jumla ya shilingi milioni 150 kwa Halmashauri ya Wilaya ya Siha kwa lengo la kukamilisha miundombinu ya maabara katika shule tano za Sekondari ikiwemo shule ya Dahani.

Mojawapo ya maabara ya sayansi iliyokamilika katika shule ya sekondari Dahani Kata ya Livishi

Katika fedha hizo shule zilizopatiwa fedha  na Serikali ya Rais Samia jumla ya kiasi cha shilingi milioni 30 ni pamoja na Dahani,Kilingi,Jitegemee Siha,Karansi na Magadini ambapo fedha hizo zimetumika katika kukamilisha ujenzi wa maabara moja kila shule pamoja na uwekaji wa vifaa muhimu katika maabara hizo.