Serikali yakamilisha maabara 5 za Masomo ya Sayansi Wilayani Siha

Posted on: August 3rd, 2022

Serikali ya awamu ya Sita inayoongozwa na mhe.Samia Suluhu Hassan Rais wa Jamhuri ya Muungano wa Tanzania katika mwaka wa fedha 2021/2022 imekamilisha ujenzi wa maabara 5 za masomo ya sayansi pamoja na uwekaji wa vifaa muhimu katika matumizi ya wanafunzi kusoma kwa vitendo.

Mkurugenzi Mtendaji wa Halmashauri ya Wilaya ya Siha ndugu Pendo Mangali amesema kuwa Halmashauri ya Wilaya ya Siha ilipokea kiasi cha shilingi milioni 150 kutoka Serikali ya Rais Samia kwa lengo la kukamilisha miundombinu ya maabara katika shule 5 za sekondari ambapo kila shule ilipatiwa shilingi milioni 30.

Alizitaja Shule za Sekondari  zilizopatiwa fedha za ukamilishaji wa miundombinu ya maabara kuwa ni Dahani sekondari iliyopo kata ya Livishi,Kilingi sekondari iliyopo kata ya Sanya Juu,Magadini sekondari Kata ya Gararagua,Karansi sekondari Kata ya Karansi na pamoja na shule ya Sekondari Jitegemee Siha iliyopo kata ya Songu.

Kupatikana kwa maabara hizi kutasaidia wanafunzi kupenda masomo ya sayansi na  kuongeza ufaulu wa wanafunzi katika masomo ya sayansi kwani watasoma kwa vitendo badala ya ilivyokuwa hapo awali walikuwa wanasoma kwa nadharia alisema na kuongeza Mangali