Sanya juu Sekondari waahidi kurudisha ubingwa Siha

Posted on: November 29th, 2017

Mabingwa wa Tanzania kwa mchezo wa Baseball shule ya sekondari Sanya Juu Wilayani Siha wameahidi kutetea ubingwa wao kwa mwaka wa pili mfululizo.

Kauli hiyo imetolewa na wachezaji hao tarehe 29.11.2017 mbele ya Mkuu wa Wilaya ya Siha mhe.Onesmo Buswelu alifika alipohudhuria mazoezi ya timu hiyo katika viwanja vya shule hiyo.

Hata hivyo Mkuu wa Wilaya ya Siha aliwataka wachezaji hao kuwa na nidhamu katika michezo kwani ndio sifa na kigezo Cha kwanza Cha kushinda katika michezo.

Alitoa wito kwa wachezaji hao ambao ni mabingwa wa Tanzania kwa shule za sekondari kuhakikisha kuwa wanarudi na kombe hilo kwa kucheza kwa bidii na maarifa.

Mashindano hayo yanatarajiwa kuanza rasmi tarehe 01.12.2017 katika shule ya sekondari Azania jijini Dar es salaam na mabingwa hao watasafiri tarehe 30.11.2017 kuelekea Dar kutetea ubingwa wao walioshinda mwaka jana.