RC BABU AIPONGEZA SIHA DC KWA MATUMIZI YA NISHATI SAFI YA KUPIKIA MASHULENI

Posted on: September 24th, 2025

Mkuu wa Mkoa wa Kilimanjaro Mhe. Nurdin Babu ameipongeza Halmashauri ya Wilaya ya Siha kwa kutekeleza kwa vitendo kampeni ya matumizi ya nishati safi ya kipikia iliyoanzishwa na Mhe. Dkt Samia Suluhu Hassan kuhamasisha utunzaji wa mazingira na uboreshaji wa afya za wananchi.

Mhe. Nurdin Babu ametoa pongezi hilo leo Septemba 24, 2025 wakati wa ziara ya kukagua mradi wa ukamilishaji wa bwalo la chakula katika shule ya sekondari ya Wasichana Kilimanjaro unaofanyika kwa shilingi Milioni 350 kutoka Serikali Kuu.

Amesema matumizi ya nishati safi ya kupikia unasaidia kupika chakula safi na salama kwa ajili ya matumizi ya binadamu na kutunza mazingira.

"Eneo hili sasa hivi lingekuwa limejaa moshi na chakula kinachopikwa kinakuwa na harufu ya moshi kitu, lakini kwa sasa chakula kikipikwa kinakuwa kisafi na salama kutumika" amesema Mhe. Nurdin Babu.

Mkuu wa Mkoa wa Kilimanjaro Mhe. Nurdin Hassan Babu akifanya ukaguzi wa miradi inayotekelezwa katika shule ya sekondari ya wasichana Kilimanjaro Wilaya ya Siha Septemba 24, 2025