NACOPHA YATAMBULISHA MRADI HALMASHAURI YA SIHA WENYE LENGO LA KUHAMASISHA UPIMAJI NA KUJIKINGA VVU

Posted on: February 4th, 2025

Baraza la watu waishio na virusi vya Ukimwi Tanzania (NACOPHA) ikishirikiana na CSSC kupitia NASHCOP leo Januari 04, 2024 limetambulisha mradi wa Global Fund Cycle 7 unaolenga kuongeza hamasa kwa wananchi wa Wilaya ya Siha kupima virusi vya ukimwi na kujikinga.

Akizungumza wakati wa utambulisho wa mradi huo kwenye kikao cha kamati ya elimu, afya na maji Msimamizi wa Takwimu na Ufuatiliaji wa taarifa wa NACOPHA Mr. Kelvin Assenga amesema mradi huo unaothaminiwa na Global Fund utawezesha jamii kuongeza uelewa kuhusu HIV na vijana balehe kuanzisha shughuli zitakazoboresha hali yao kiuchumi.

Amesema kwa kushirikiana na Serikali, Washirika wa maendeleo, Taasisi za dini na wadau wengine, NACOPHA itawasaidia wananchi wa Wilaya ya Siha kuboresha kiwango na ubora wa maisha kwa wanaoishi na maambukizi ya VVU na wasioishi na maambukizi.

Kwa upande wake Mwenyekiti wa Kamati ya Elimu, Afya na Maji Mhe. Zacharia Lukumay amelishukuru Baraza la watu waishio na virusi vya Ukimwi Tanzania (NACOPHA) na kuahidi ushirikiano wakati wote wa miaka mitatu ya utekelezaji wa Mradi huo katika Wilaya ya Siha.