WANANCHI SIHA WATAKIWA KUJITOKEZA KUPOKEA MWENGE WA UHURU -DC SIHA

Posted on: June 8th, 2021

Mkuu wa Wilaya ya Siha Mhe. Onesmo Buswelu amewaomba wananchi na wakazi wa Wilaya ya Siha kujitokeza kwa wingi siku ya Alhamis tarehe 10/06/2021 kwa lengo la kuupokea na kuulaki Mwenge wa Uhuru utakapofika Wilaya ya Siha.

Kauli hiyo ameitoa leo tarehe 8.06.2021 katika ukumbi wa mikutano wa Halmashauri ya Siha alipokuwa na kikao cha maandalizi ya kupokea mwenge wa Uhuru katika Wilaya ya Siha.

Amesema kuwa Mwenge utapokelewa katika Kijiji cha Lawate muda wa saa 12.30 asubuhi ambapo ametoa wito kwa wananchi wote wa Wilaya ya Siha kuwepo katika eneo la mapokezi ili kuonyesha umoja wetu na uzalendo wetu katika Taifa letu.

Ameeleza kuwa Mwenge wa Uhuru ukishapokelewa katika Kijiji cha Lawate utatembelea na kuzindua miradi mbalimbali ya maendeleo katika Wilaya ya Siha  kama ifuatavyo

• Kutembelea ujenzi wa Maabara ya Kisasa katika Hospital ya Taifa ya Kifua Kikuu Kibongoto

• 

• Kuweka jiwe la Msingi ujenzi wa kituo cha Kisasa cha Polisi Sanya Juu

• 

• Kutembelea mradi wa maji Magadini Makiwaru(Gararagua branch line) uliopo Kata ya Gararagua

• 
  

• Kutembelea shamba la Macademia nuts kijiji cha Namuai

• 
  

• Kutembelea mradi wa vijana wa kilimo cha chakula cha mifugo  katika Kijiji cha Mwangaza

• 
  

• Kuzindua madarasa 4,maktaba moja na ofisi mbili za walimu Namwai Sekondari 

• 

• Kutembelea mradi wa watu wenye ulemavu kijiji cha Wiri Kata ya Gararagua

• Kuzindua daraja la mto Biriri (Muwara)

• Daraja la mto Biriri-Muwara

• Kuzindua mradi wa maji katika Vijiji vya Sinai na Ormelili

Aidha,Mkuu wa Wilaya ya Siha ametoa wito kwa wananchi na wakazi wa Wilaya ya Siha kujitokeza kwa wingi katika maeneo yote Mwenge wa Uhuru utakapotembelea ,kuzindua na hata barabara Mwenge utakapopita  na amesisitiza wazazi kuchukua tahadhari ya kutoacha mifugo barabarani pamoja na kuwalinda watoto wadogo.

Pia amewataka Wananchi na Wakazi wa Wilaya ya Siha kujitokeza kwa wingi katika eneo la Mkesha katika kituo cha Mabasi cha Wilaya ya Siha ORMELILI -KIA na kuwataka wananchi kwenda kukabidhi Mwenge eneo la Mererani mkoa wa Manyara siku ya ijumaa  tarehe 11/06/2021 mapema asubuhi.