Mwenge kuweka Jiwe la msingi Kituo cha Afya Olkolili

Posted on: June 3rd, 2022

MWENGE WA UHURU KUWEKA JIWE LA MSINGI  UJENZI WA KITUO CHA AFYA OLKOLILI TAREHE 12.6.2022

Mbio za Mwenge wa Uhuru Wilaya ya Siha tarehe 12.6.2022 utaweka jiwe la msingi katika ujenzi wa Kituo cha Afya Olkolili, Tarafa ya Siha Kusini Kata ya Olkolili.

Mkuu wa Wilaya ya Siha mhe. Thomas Apson amewaomba Wananchi wa Tarafa ya Siha Kusini hususani Kata ya Olkolili kujitokeza kwa wingi katika kuupokea Mwenge wa Uhuru utakapofika kuweka jiwe la msingi la ujenzi wa Kituo cha Afya kata ya Olkolili.

Amesema kuwa maandalizi  yote ya kuupokea Mwenge wa Uhuru Wilaya ya Siha yanaendelea vizuri sana na ametoa wito kwa wananchi na wakazi wa Wilaya ya Siha kujitokeza kwa wingi kuupokea na kuukimbiza Mwenge wa Uhuru maeneo yote yaliyopangwa katika ratiba Wilayani Siha.

Aidha, ametaja maeneo ambayo Mwenge wa Uhuru utapita na kutembelea, kupungua na kuweka mawe ya msingi katika miradi ya maendeleo:

1.Mwenge utapokelewa Kijiji cha Lawate eneo la sokoni,

2.Mwenge utatembelea mradi wa vijana Kata ya Sanya Juu

3.Mwenge utaweka jiwe la msingi Zahanati ya Mwangaza

4.Mwenge utatembelea Kitalu cha Miti katika shamba la miti West Kilimanjaro(TFS).

Pia mkuu wa Wilaya ya Siha amesema kuwa ,Mwenge wa Uhuru utafungua shule shikizi ya Msingi Neema Kata ya Gararagu pamoja na kuweka jiwe la msingi katika Kituo cha Afya Olkolili.

NB Mkesha wa Mwenge wa Uhuru utafanyika katika Kituo cha Mabasi KIA kata ya Ormelili