Mradi wa mradi wa SGR (Treni ya Kisasa) waishangaza Dunia na Afrika

Posted on: April 3rd, 2023

Maafisa Habari, Uhusiano na Mawasiliano wa Serikalini katika Ziara ya Mradi wa Treni ya Kisasa ya (SGR) jijini Dar es Salaam  Machi 31, 2023.

Mradi huu mkubwa unaojengwa na Serikali ya Tanzania inayoongozwa na Mhe.Samia Suluhu Hassan utatumia zaidi ya shilingi Trilioni 23 na Treni hii ya Kisasa itakuwa ndiyo kubwa na Bora Barani Afrika 

Ziara hiyo imefanyika baada ya kuhitimishwa kwa Kikao Kazi cha Maafisa Habari, Uhusiano na Mawasiliano Serikalini, 2023 kilichofanyika katika Ukumbi wa Mikutano wa Kimataifa Julius Nyerere (JNICC) jijini humo ambapo kilikuwa na lengo la kuwajengea uwezo Maafisa hao.

Ziara hiyo imehudhuriwa pia na Msemaji Mkuu wa Serikali na Mkurugenzi wa Idara ya Habari Maelezo, Bw. Gerson Msigwa, Mkurugenzi wa Idara ya Utawala na Usimamizi Rasilimaliwatu wa Wizara ya Habari, Mawasiliano na Teknolojia ya Habari, Bi. Salome Kessy na baadhi ya Watumishi wa Wizara.