Mpango TASAF III awamu ya pili wazinduliwa rasmi Wilayani Siha tarehe 6 oktoba,2021

Posted on: October 6th, 2021

Mkuu wa Wilaya ya Siha mhe.Thomas Apson amefungua kikao kazi za kuwajengea uwezo viongozi na wataalam kuhusu utekelezaji wa   mpango  wa TASAF III awamu ya pili.

Wah.madiwani Siha wakiwa katika kikao kazi

Kikao kazi hicho kimefanyika katika ukumbi wa Kanisa Katoliki uliopo  Kata ya Sanya Juu ambapo washiriki walikuwa waheshimiwa Madiwani Halmashauri ya  Siha,wakuu wa idara na vitengo,Maofisa Tarafa na watendaji wa kata katika Halmashauri ya Siha.

Wataalam wa Halmashauri ya Siha wakisikiliza mada katika kikao kazi cha tarehe 06/10/2021

Katika kikao kazi hicho Mkurugenzi Mkuu  wa mpango wa TASAF makao makuu ndugu Stansilaus Joseph alieleza kuwa lengo la mpango ni kuwawezesha kiuchumi jamii zenye mahitaji maalum hapa Tanzania ili waweze kujikomboa katika dimbwi la umaskini.

Wah.Madiwani wakisikiliza kwa makini mada mbalimbali

Alieleza kuwa mpango huu unahitaji usimamizi makini katika kutekeleza ili uweze kuwanufaisha walengwa halisi ambao wanapatika kupitia mikutano mikuu ya vijiji katika Tanzania bara na upande wa Zanzibar kupitia  mikutano mikuu ya  Shehia.

Mkurugenzi Mkuu wa TASAF makao makuu ndg Ladislaus Joseph akitoa maelekezo mbalimbali katika kikao kazi cha viongozi na Wataalam Wilayani Siha

Aidha mkuu wa Wilaya ya Siha aliwataka viongozi wa Watendaji wote watakaohusika kusimamia mpango huo kuhakikisha kuwa wanafanya kazi hiyo kwa kujituma na moyo wa uzalendo bila kupendelea wala kubagua mtu kwa namna yoyote ile ili kutimiza malengo ya Serikali ya kuwakomboa wananchi