Mkuu wa Wilaya ya Siha asikiliza kero za wananchi wa Kijiji cha Munge

Posted on: March 5th, 2024

Mkuu wa Wilaya ya Siha Mhe Dkt Christopher Timbuka ameiagiza Ofisi ya Kijiji cha Munge kwa kushirikiana na Maafisa Ardhi Wilaya kupitia maeneo ya ekari 116 zilizorejeshwa kwa wananchi ili kila mmoja apate haki yake.

Mhe Timbuka ametoa agizo hilo leo Machi 05, 2024 wakati wa mkutano  wa kusikiliza kero za wananchi katika kijiji cha Munge, Kata ya Donyomurwak ambapo amesema baada ya kupitia eneo lote kutasaidia kutatua kero za wananchi ambao walikosa ardhi wakati mugawanyo wa awali.

Amesema maeneo yote katika ekari 116 yanatakiwa kupitiwa ili kila mmoja ambaye alikuwa na ardhi katika eneo hilo apate haki yake.

“Kuna wale ambao walikosa ardhi kutokana na mugawanyo usiokuwa wa usawa, baada ya kupitia watapata haki yao kwa hiyo suala la mgogoro wa ardhi tutalimaliza” amesema Mhe Dkt Timbuka.