Mkuu wa Wilaya ya Siha akagua miradi ya maendeleo na kusikiliza kero za Wananchi

Posted on: October 26th, 2021

Mkuu wa Wilaya ya Siha mhe. Thomas Apson afanya ziara ya kukagua miradi ya maendeleo na kusikiliza kero mbalimbali za Wananchi katika Kata mbalimbali Wilayani Siha. ziara hiyo imeanza katika Kata ya Ormelili ambapo tarehe 25 oktoba alikagua eneo itakapojengwa shule ya kata ya Ormelili katika Kijiji cha Ormelili.

Wananchi wa Kata ya Ormelili wakitoa kero zao mbele ya Mkuu wa Wilaya ya Siha mapema 25 oktoba 2021

Katika eneo hilo wananchi wa Kata hiyo tayari wameshakusanya mawe zaidi ya lori 15 na kazi ya kuchimba msingi imeshaanza. akiwa katika eneo la ujenzi Mhe. Thomas Apson aliwapongeza wananchi wa Kata hiyo kwa ushirikiano mzuri wa kuchangia shughuli za maendeleo.

Haya ni mawe yaliyokusanywa kwa michango ya wananchi ujenzi wa Sekondari kata ya Ormelili

Aliwaeleza Wananchi  wa Kata hiyo kuwa Serikali ya awamu ya sita ipo pamoja nao na itashirikiana nao kuhakikisha kuwa kazi ya ujenzi wa shule hiyo inakamilika kwa kuzingatia viwango na ubora wa majengo ya Serikali 

Mkuu wa Wilaya ya Siha akipata maelezo katika eneo la ujenzi wa Sekondari mpya kata ya Ormelili

Wananchi wa Kata ya Ormelili wameamua kujenga shule ya Sekondari ya Kata ili kuwapunguzia watoto wao umbali mrefu wanaotembea kwenda kata za jirani kwa ajili ya kufuata shule za sekondari.

Mhandisi wa Ujenzi Ndugu Kiure akitoa maelezo kwa mkuu wa Wilaya ya Siha 

Akimkaribisha Mkuu wa Wilaya katika eneo la ujenzi,Diwani wa Kata hiyo mhe. Noel Mollel ambaye pia ni makamu mwenyekiti wa Halmashauri ya Siha alimshukuru Mkuu wa Wilaya kwa kufanya ziara ya kukagua miradi katika kata hiyo