Mikakati ya uboreshaji Elimu Wilaya ya Siha

Posted on: March 10th, 2023

WILAYA YA SIHA YAWEKA MKAKATI WA KUBORESHA ELIMU MWAKA 2023.

 Maofisa Elimu Kata katika Halmashauri ya Wilaya ya Siha Mkoa wa Kilimanjaro Leo Ijumaa tarehe 10 Machi,2023 wamefanya kikao Cha Kawaida Cha Tathmini ya ufuatiliaji wa utoaji elimu Kwa shule za Msingi na Sekondari Kwa kipindi Cha mwezi Januari 2023 na Februari 2023.

Kikao cha Tathmini ya uboreshaji wa Elimu katika Wilaya ya Siha kinafanyika katika ukumbi wa Ofisi ya Mkurugenzi Mtendaji Makao Makuu ya Halmashauri ya Wilaya ya Siha chini ya Usimamizi wa Mkuu wa Divisheni ya Elimu Awali na Msingi pamoja na Mkuu wa Divisheni ya Elimu Sekondari.

Awali akifungua kikao  cha Tathmini Mkuu wa Divisheni ya Elimu Sekondari Mwalimu Naomi Swai  alisema kuwa hichi ni kikao cha Kawaida Cha Kupitia Tathmini ya ufuatiliaji wa Elimu katika shule za Msingi na Sekondari katika Halmashauri ya Wilaya ya Siha.

"Kikao cha Leo agenda kubwa ni kupitia Tathmini ya utoaji elimu Wilaya ya Siha na kuona hali ya ufundishaji Kwa ujumla katika shule zetu za Msingi na Sekondari" alisema Mwalimu Naomi Swai

Alieleza  pia kikao kitapitia na kujua Hali ya uandikishaji wa darasa la kwanza na awali shule za Msingi pamoja na Wanafunzi wa  Kidato cha kwanza shule za Sekondari  mwaka 2023.

Mkuu wa Divisheni ya Elimu ya Awali na Msingi katika Halmashauri ya Wilaya ya Siha Mwalimu Rose Sandi kwa upande wake aliongeza kuwa Tathmini iliyofanyika pia imeangalia maendeleo ya usimamizi wa Miradi hususani ujenzi wa miundombinu mbalimbali unaoendelea mashuleni.

Aliongeza kuwa pamoja na maendeleo ya taaluma mashuleni pia ufuatiliaji unaangalia utoaji wa Chakula kwa Wanafunzi wa Shule za Msingi na Sekondari pamoja na Hali ya mahusiano mema Kati ya Jamii na shule zilizopo katika maeneo mbalimbali ya Wilaya ya Siha.

Mkuu wa Divisheni ya Elimu Awali na Msingi Mwalimu Rose Sandi pia  alitoa pongezi Kwa  Walimu na Viongozi wa Jamii kwa mafanikio ya zoezi la uandikishaji watoto wa awali na Msingi mwaka 2023 katika Halmashauri ya Wilaya ya Siha

Alisema kuwa jumla ya Watoto wa awali 4057 sawa na asilimia 108 wameandikishwa hadi kufikia mwisho wa  mwezi wa Februari 2023 Kati yao Wavulana ni 2093 na Wasichana ni 1964 na darasa la kwanza ni asilimia 107