Mambo 10 muhimu ya kuzingatia kuelekea Uchaguzi wa Serikali za Mitaa

Posted on: October 20th, 2024

MAMBO 10 MUHIMU  KWA WANANCH NA VIONGOZI KUELEKEA  UCHAGUZI  SERIKALI ZA MITAA

Kipindi cha uchaguzi wa serikali  za mitaa au uchaguzi mkuu ni muhimu Sana katika  Nchi yoyote na ndio dira ya kupata taswira ya taifa katika  kuchagua viongozi  bora kutokana na jinsi walivyojinadi katika kipindi cha kampeni, dira,mipango mikakati  na huduma kwa jamii. Matokeo ya uchaguzi ni kupata serikali imara kutoka kwenye chama kilichoshinda na kukubalika na Wananchi,  kutokana na Sera, maendeleo ya miradi, na siasa Safi zenye kueleza na kuenzi ulinzi,Amani wa mshikamano wa Taifa letu historia  ya Taifa letu na huduma kwa jamii.

Ni vizuri  wananchi wajue kuwa kupiga kura ni haki Yao muhimu ili kupata maendeleo na taifa lenye ustawi wa Amani bila vita na taifa lenye maendeleo.

Wagombea wanatakiwa kujua kuwa wananchi ni muhimu  kuliko cheo, na huo ni uzalendo  hivyo  kuheshimu sheria kanuni zilizowekea na tume ya uchaguzi.

Kupiga kampeni nzuri na za uzalendo na sio fitina kusengenya kwani wananchi wanataka Sera nzuri Tena kwa lugha nzuri ya unyenyekevu na sio kutukana.

Kwenda na ratiba na matukio.Ni vizuri kuangalia ratiba iliyotoka tume mfano kujiandikisha,kampeni na mambo mengine.

Kupiga kura na kuchagua viongozi na kukaa kwenye foleni kwa utulivu mkubwa.Kupiga kura ni haki yako piga kura yako na chagua kiongozi mzalendo.

Kukubali kushindwa na kuruhusu maisha yasonge mbele kwani Kuna maisha baada ya uchaguzi na kutoruhusu virugu kwani Nchi yetu na rasilimali na wananchi ni muhimu kuliko wewe.

Kutokuwa na uadui Kati ya wagombea wa vyama mbalimbali. Kwa kuwa sisi ni Watanzania  hakuna sababu ya kuwekeana uadui,  au kinyongo kwa kuwa umeshindwa,kwani asiyekubali kushindwa sio mshindani wa kweli.

Epuka virugu na wew kuwa mwana Amani halisi na kamwe mwananchi usikubali kurubuniwa ili kuleta vurugu kwani ulinzi na usalama utakuwa mkubwa.

Hepuka kuvuruga kampeni ya chama cha mwenzako au kufanya eneo moja fuata ratiba ya kampeni  na eneo la kampeni.

Shirikiana na kiongozi mwenzako aliyechaguliwa na wananchi ili kuleta maendeleo kwa pamoja.

Nb.Leo ni siku ya mwisho kujiandikisha kwenye daftari la kudumu la kupiga kura nenda kajiandikishe upate kibali cha kuchagua viongozi  imara na kupata maendeleo.