Makadirio ya Bajeti Siha DC 2023.2024

Posted on: February 1st, 2023

BARAZA LA MADIWANI SIHA LAPITISHA MPANGO NA MAKISIO YA BAJETI YENYE  SHILINGI BILIONI 22.5 MWAKA  WA FEDHA 2023/2024

Baraza la Wah.Madiwani Halmashauri ya Wilaya ya   Siha Mkoa wa Kilimanjaro leo jumatano tarehe 01 Februari,2023 limepitisha mapendekezo ya Bajeti ya Halmashauri ya Wilaya ya Siha yenye Thamani ya shilingi Bilioni 22.5

Mkutano huo Maalum  wa Baraza la Madiwani katika Halmashauri ya Wilaya ya Siha umekutana kwa muda wa siku mbili katika Ukumbi wa Halmashauri ya Siha na kupitia mapitio ya Bajeti iliyopita pamoja na kujadili na kupitisha mpango na Makisio ya   Bajeti kwa  mwaka wa fedha 2023/2024.

 Akiwasilisha  Mpango na Makisio ya  Bajeti kwa Baraza la Madiwani Afisa Mipango na Uratibu wa Halmashauri ya Siha ndugu Constantine Mtiti kwa niaba ya Mkurugenzi Mtendaji alisema kuwa Bajeti ya Halmashauri ya Siha Kwa mwaka 2023/2024 ni jumla ya shilingi Bilioni 22.5.

Alieleza kuwa mchanganuo wa Makisio na mapendekezo ya Bajeti ya Halmashauri ni kama ifuatavyo-:

Fedha za  ruzuku kutoka Serikali kuu ni shilingi Bilioni 16.827,Fedha za ruzuku kutoka Washirika wa Maendeleo ni shilingi Bilioni 3.506 na *Fedha za makusanyo ya Ndani ya Halmashauri ni shilingi Bilioni 2.167

Aidha,katika Mpango wa Bajeti uliopitishwa na Mkutano Maalum wa  Baraza la Wah.Madiwani vipaumbele vya Bajeti ya Halmashauri ya Wilaya ya Siha kwa mwaka wa fedha 2023/2024 vimelenga katika masuala yafuatayo

i)Kuimarisha ukusanyaji wa Mapato ya ndani ya Halmashauri

ii)Kuboresha Mazingira ya  kufundisha na kujifunzia katika shule za Msingi na Sekondari

iii)Kuboresha huduma za Afya ya Msingi kwa ununuzi wa dawa na vifaa tiba

iv)Kuboresha uzalishaji na tija kwa mazao ya Kilimo na Mifugo

Afisa Mipango na Uratibu alieleza kuwa katika  mpango na Mapendekezo ya Bajeti ya Halmashauri ya Siha kwa mwaka wa fedha 2023/2024 Makisio ya makusanyo ya Ndani  yameongezeka kwa asilimia 10 kutoka Bajeti ya mwaka 2022/2023 iliyokuwa shilingi Bilioni 1.974.

✅Halmashauri ya Siha- Kilimanjaro

✅KAZI IENDELEE 2023/2024