Majengo 6 yaanza kujengwa Hospital ya Siha-Kilimanjaro

Posted on: January 14th, 2019

Majengo 6 yaanza kujengwa Hospital ya Wilaya ya Siha 2019

Halmashauri ya Wilaya ya Siha Mkoa wa Kilimanjaro imeanza kazi ya kujenga majengo 6 katika Hospital ya Wilaya ya Siha kwa lengo la kuboresha miundombinu ya Hospital hiyo.

Hayo yamesemwa na Ndugu Valerian Juwal Mkurugenzi Mtendaji wa Halmashauri ya  Wilaya ya Siha hivi karibuni alipokuwa anakagua shughuli za ujenzi zinazoendea katika Hospital ya Wilaya ya Siha

Alieleza kuwa kazi za ujenzi imeanza tarehe 10/01/2019 ikiwa ni pamoja na kazi za kusafisha maeneo mbalimbali yanapojengwa jumla ya majengo mapya 6 kwa gharama za shilingi Bil.1.5 fedha zilizotolewa na  Serikali ya Tanzania.

 Jengo linatumika katika huduma na Utawala kwa sasa ktk hospital ya Wilaya ya Siha

Majengo hayo 6 yatakayojengwa ni pamoja na 1.Jengo la Utawala,(2)Wodi ya Kinamama, (3)Jengo la X-Ray,(4)Jengo la Dawa(pharmas), (5)Jengo la kufulia nguo za wagonjwa na (6) jengo la Mouchwari alisema Juwal.

Jumla ya kamati 5 za usimamizi zimeshaundwa na zipo kazini kwa ajili ya kuhakikisha kuwa kazi ya ujenzi inafanyika katika viwango na ubora uliowekwa na Serikali  kulingana na  dhamani ya pesa alisema na kuongeza Juwal.

Ndugu Juwal alisema kuwa kazi ya ujenzi inatarajiwa kukamilika mwishoni mwa mwezi wa Juni,2019 ili shughuli za uboreshaji wa  utoaji wa huduma bora  kwa jamii na wananchi wa Siha ziweze kuendelea kutolewa katika Hospital ya Wilaya ya Siha.

moja ya maabara ya Kisasa iliyopo katika hospital ya Wilaya ya Siha

Kukamilika kwa ujenzi wa miundombinu katika hospital ya Wilaya ya Siha kutasaidia kuboresha huduma za afya na kuwanufaisha jumla ya wananchi  zaidi ya 120,000 waliopo katika Wilaya ya Siha Mkoa wa Kilimanjaro.