MAFUNZO MFUMO WA ANWANI ZA MAKAZI YATOLEWA SIHA

Posted on: March 15th, 2022

MAFUNZO MFUMO WA ANWANI ZA MAKAZI YATOLEWA WILAYANI SIHA

Halmashauri ya Wilaya ya Siha Mkoa wa Kilimanjaro imeanza kutoa mafunzo ya kutekeleza zoezi la mfumo wa Anwani  kwa muda wa siku mbili kwa vijana watakaofanya kazi hii.

Mafunzo hayo yameanza kutolewa leo jumanne  tarehe 15/03/2022 kwa vijana zaidi ya 180 waliofanikiwa kufuzu katika zoezi la usaili mara baada ya kukidhi vigezo mbalimbali vya ajira ya muda vilivyotolewa na Halmashauri ya Siha katika Tangazo la Ajira ya muda lililotolewa  tarehe 21/02/2022.

Mkurugenzi Mtendaji wa Halmashauri ya Wilaya ya Siha Upendo Mangali akifungua mafunzo hayo amewataka vijana waliofanikiwa kupata nafasi ya kufanya kazi hii muhimu ya Kitaifa kuwa wazalendo na kufanya kazi kwa kujituma zaidi.

Nawaomba na kuwataka muwe wasikivu na watulivu katika mafunzo haya muhimu ambayo yatawawezesha kufanya kazi hii kwa umakini na ufanisi mkubwa huku mkitambua kuwa atakayefanya udanganyifu katika zoezi hili atakuwa amefanya kosa la jinai na hatua stahiki zitachukuliwa dhidi yake  alisema Upendo Mangali.

Katika zoezi hili wataalam mbalimbali wa Halmashauri ya Wilaya ya Siha  wanashiriki katika kutoa mafunzo kwa washiriki watakaofanya kazi ya zoezi la anwani za Makazi katika Wilaya ya Siha.

Wilaya ya Siha itatekeleza zoezi la anwani za Makazi katika Kata 17,vijiji 60 na Vitongoji 19 ambapo utambuzi wa mitaa na barabara mbalimbali zitawekwa majina na kutambulika