MADIWANI WILAYA YA SIHA KUFANYA ZIARA YA KUJIFUNZA MKOANI DODOMA

Posted on: January 16th, 2023

Baraza la Wah. Madiwani katika Halmashauri ya Wilaya ya Siha mkoa wa Kilimanjaro kufanya ziara ya kujifunza katika chuo cha Serikali za Mitaa Hombolo Mkoa wa Dodoma.

Mafunzo hayo ya Wah Madiwani katika Halmashauri ya Wilaya ya Siha yanatarajia kufanyika kwa muda wa siku mbili kuanzia tarehe 18/01/2023 na tarehe 19/01/2023 ambapo jumla ya  Wah. Madiwani 23 wanatarajia kushiriki mafunzo hayo muhimu.

Mafunzo haya yanalengo la kuwajengea uwezo Wah.Madiwani wa Halmashauri ya Wilaya ya Siha Mkoa wa Kilimanjaro katika masuala matatu muhimu:-

• Elimu ya usimamizi na Udhibiti wa fedha katika Serikali za Mitaa

• Elimu kuhusu Usimamizi wa Miradi ya maendeleo katika Serikali za Mitaa

• Haki na wajibu wa Wah. Madiwani katika utekelezaji wa majukumu yao ya kila siku

Ziara hii ya mafunzo kwa wah. Madiwani inatarajia kuleta manufaa makubwa kwa Halmashauri ya Wilaya ya Siha husuani katika kuongeza usimamizi bora wa miradi ya maendeleo pamoja na udhibiti wa mapato ya ndani yanayokusanywa na halmashauri ya  Wilaya ya Siha Mkoa wa Kilimanjaro.