Madiwani Siha wataka usimamizi uuzaji wa mazao kwa vipimo vya mizani

Posted on: November 1st, 2021

Baraza la Madiwani katika Halmashauri ya Siha mkoa wa Kilimanjaro limetoa agizo kwa Halmashauri ya Siha kuhakikisha kuwa mazao ya wakulima yananunuliwa na kuuzwa kwa kutumia vipimo vya mizani na siyo matumizi ya ndoo au sadolini.

Kauli hiyo imetolewa na Baraza la Madiwani lilipokutana na katika ukumbi wa Halmashauri ya Siha tarehe 29 Oktoba 2021ambapo Madiwani hao wametoa agizo kwa watendaji wa Kata na Vijiji kusimamia agizo hilo.

Akitoa maagizo ya baraza hilo mwenyekiti wa Halmashauri ya Siha mhe. Duncan Urassa amesema kuwa wakulima wapatiwe elimu ya kutosha kuhusu kuuza mazao yao kwa kutumia vipimo vya mizani na kuachana na mtindo wa kuuza kwa kutumia madebe na sado ambavyo vinawanyonya wananchi.

Madiwani wakichangia hoja katika mkutano wa Baraza

Amewataka wananchi wote wa Wilaya ya Siha kuunga mkono dhamira nzuri ya Serikali ya kutaka mazao yote kuuzwa kwa vipimo pamoja na kuondoa ujazo wa rumbesa ili kuwanufaisha wakulima wetu