Jamii SIHA yatakiwa kutokomeza ukatili dhidi ya watoto

Posted on: November 26th, 2021

Jamii ya Watanzania imetakiwa kuwalinda na kuwatunza watoto katika jamii ili kupata taifa endelevu na lenye ustawi na usawa wa kijinsia

Kauli hiyo imetolewa  uwanja wa CCM Sanya Juu tarehe 25 Novemba 2021 na Bi Elizabeth Mushi mratibu wa Kongamano  wakati akitoa neno la ufunguzi.

Mkuu wa Wilaya ya Siha mhe. Thomas Apson akipokea maandamano kongamano la watoto Siha

Alieleza kuwa matendo ya ukatili kwa watoto bado yapo katika jamii yetu na mengi yamekuwa yakisababishwa na changamoto mbalimbali zinazojitokeza katika jamii ikiwemo mfarakano wa ndoa pamoja na mmomonyoko wa maadili katika jamii.

Wanafunzi Siha wakiwa katika kongamano la kupinga ukatili dhidi ya watoto tarehe 25 novemba 2021

Katika hotuba yake, Mgeni rasmi wa kongamano hilo Kiwilaya Mkuu wa Wilaya ya Siha mhe. Thomas Apson alieleza kuwa Serikali imejipanga vema kuhakikisha haki za mtoto zinalindwa kwa gharama yoyote bila kujali wadhifa wala nafasi ya mtu katika jamii.

Mkuu wa Wilaya ya Siha mhe. Thomas Apson akitoa hotuba kongamano la watoto Siha

Mgeni rasmi ameeleza ametoa wito kwa viongozi wa madhehebu ya dini pamoja na mashirika yasiyo ya Kiserikali ikiwemo KWIECO kuendelea kuungana na Serikali katika kutokomeza matendo yote ya ukatili dhidi ya watoto katika jamii yetu