Jamii ya Wafugaji Wilayani Siha yapongezwa-Naibu waziri wa mifugo na uvuvi

Posted on: July 19th, 2018

Wafugaji Wilayani Siha wapongezwa:naibu Waziri Mifugo na Uvuvi

Wafugaji wa Wilaya ya Siha wapew

a pongezi na serikali kwa kutumia mifugo yao kujiletea  maendeleo  chanya katika jamii hizo.

Kauli hiyo ya Serikali imetolewa na mhe. Abdallah Ulega  Naibu waziri wa mifugo na uvuvi alipokuwa katika ziara ya siku moja Wilayani Siha tarehe 19 julai,2018.

Katika ziara hiyo mhe Abdallah Ulega Naibu waziri wa mifugo na uvuvi alikutana na jamii ya wafugaji katika mkutano mkubwa wa hadhara uliofanyika katika kijiji cha Ndinyika kata ya Karansi Wilayani hapa.

Katika salamu zake za Serikali alizozitoa kwa wananchi wa Siha,mhe Abdallah Ulega alianza kwa kuwapongeza jamii ya wafugaji Wilaya ya  Siha kwa kuwa mfano bora wa maendeleo hapa nchini.

“Napenda kuwapongeza kwa dhati  wananchi na jamii ya wafugaji  Siha kwani wakati napita njiani kuja katika mkutano huu nimeona majumba mazuri mliyojenga na pembeni yake  mmejenga maboma mazuri ya mifugo yenu hongereni sana” alisema mhe Ulega.

Alieleza kuwa Serikali ya awamu ya tano chini ya Mhe.  John Pombe Magufuli Rais wa Jamhuri ya muungano wa Tanzania inawajali sana wafugaji ndiyo maana katika Wilaya ya Siha serikali  ilitoa hekta 1000 kutoka shamba la NARCO kwa ajili ya kulishia mifugo yenu.

“Serikali hii ya awamu ya tano ni serikali ya wanyonge na sisi kama viongozi tuliopewa dhamana na wananchi tutaendelea kusimamia maslahi mapana ya wananchi wetu hasa wafugaji na wakulima” alisema mhe. Ulega.

Katika ziara hiyo ya siku moja Wilayani Siha mhe naibu waziri pia alitembelea shughuli za  maendeleo ya mifugo katika shamba la kuku lililopo  Gararagua,shamba la mifugo Kafoi na kituo cha utafiti  wa mifugo cha Serikali TALIRI kilichopo  West-Kilimanjaro.

Jamii ya wafugaji Wilaya ya Siha  pia inajishughulisha na shughuli ya  kilimo kwa ajili ya kujipatia chakula na mahitaji mengine ya kuongeza kipato katika ngazi ya familia na jamii kwa ujumla