Hospital ya Taifa ya Magonjwa ambukizi Kibongoto kuongoza mapambano dhidi ya Corona

Posted on: November 10th, 2021

Hospital ya Taifa ya  Magonjwa ambukizi Kibongoto kuongoza mapambano dhidi ya Corona

Mkurugenzi wa Hospital ya Taifa ya Magonjwa Ambukizi Kibong’oto iliyopo Wilaya ya Siha Mkoa wa Kilimanjaro Dkt. Leonard Subi amesema kuwa Hospital hiyo imejipanga vema katika kuongoza mapambano dhidi ya uviko-19.

Kauli hiyo ameitoa leo siku ya jumatano tarehe 10 novemba alipokuwa katika kikao cha pamoja na watumishi wa Hospital hiyo ya taifa kilichofanyika kwa lengo la kuhamasisha watumishi wa sekta ya afya kupata chanjo ya kujikinga na uviko-19.

Ameeleza kuwa Hospital ya Taifa ya Kibong’oto itakuwa kituo kikubwa cha kufanya utafiti ya magonjwa mbalimbali ikiwemo uviko 19 na Hospital hiyo itaendelea kutoa elimu kwa umma kuhusu umuhimu wa Wananchi wa Tanzania kupata chanjo ya kujikinga na uviko 19.

Napenda kuwahakikishia wananchi wa Wilaya ya Siha Mkoa wa Kilimanjaro na Watanzania kwa ujumla kuwa chanjo ya uviko 19 ni salama kabisa nashauri watumishi wenzangu pamoja na Wananchi tupate chanjo ili tuwe salama na kuokoa shughuli za kiuchumi alisema Dkt. Leonard Subi