Elimu ya Lishe yatolewa Kwa Wananchi Kata ya Kirua

Posted on: April 3rd, 2023

WANANCHI  KATA YA KIRUA WILAYANI SIHA  WAPATIWA  ELIMU YA LISHE

Maadhimisho ya Siku ya Afya na Lishe yafanyika kwa Wananchi wa Kata ya Kirua Leo tarehe 3 April,2023 na jumla ya  Wanawake 112 ,Wanaume 24 na Watoto 79 Wameshiriki na kupatiwa elimu.

Zoezi la utoaji wa Elimu limefanywa na watoa huduma wa  Afya  ngazi ya Jamii ambapo wamewaelimisha Wananchi kuhusu ulaji wa vyakula mchanganyiko ili kuwa na jamii yenye Afya Bora ya mwili na akili.

Pia katika zoezi hilo Watoto wenye chini ya miaka 5 walipata fursa ya kupimwa hali ya Lishe  ambapo ushauri wa kitaalam umetolewa kwa Wazazi na Walezi kuzingatia lishe bora.

Maadhimisho haya yamefanyika Katika Kata ya Kirua Kwa kuunganisha Vijiji vya Lomakaa na Fuka ikiwa ni muendelezo wa Maadhimisho ya Lishe katika Kata zote 17 za Wilaya ya Siha.