ELIMU YA LISHE KUTOLEWA ZAIDI KWA WANANCHI: DC SIHA

Posted on: March 3rd, 2023

Mkuu wa Wilaya ya Siha Mkoa wa Kilimanjaro  Mhe. Dkt.Christopher Timbuka (katikati) ambaye pia ni Mwenyekiti wa Kamati ya Lishe Wilaya leo Ijumaa tarehe 3 Machi,2023 akiongoza kikao cha Tathmini ya Lishe Wilaya ya Siha  kwa kipindi Cha Robo ya Pili ya mwaka wa fedha 2022/2023.

Kikao hicho kimefanyika katika ukumbi wa Mikutano wa Halmashauri ya Wilaya ya Siha kwa lengo la kufanya tathmini ya shughuli za lishe katika Wilaya ya Siha Kwa kipindi Cha mwezi Oktoba 2022 hadi mwezi Disemba 2022.

Akifungua kikao cha Kamati ya Lishe,  Mkuu wa Wilaya ya Siha Mhe.Dkt.Christopher Timbuka ametoa  wito kwa Watumishi wa Sekta ya Afya Wilaya ya Siha kwa ushirikiano na Watendaji wa Vijiji na Kata kutoa elimu zaidi kwa Wananchi kuhusu umuhimu wa lishe bora hususani kwa watoto na Wanawake Wajawazito.

Mkurugenzi Mtendaji Halmashauri ya Wilaya ya Siha Pendo Mangali amewaambia  wajumbe wa kikao kuwa Halmashauri ya Wilaya ya Siha itaendelea kutoa fedha za Mapato ya ndani ya Halmashauri  zilizotengwa  katika bajeti ili kufanikisha kwa wakati shughuli zote za lishe.

Katika kikao Cha Kamati ya Lishe Wilaya ya Siha Watendaji wa Kata zote 17 Halmashauri ya Wilaya ya Siha wamewasilisha taarifa za utekelezaji shughuli za Lishe katika Kata husika kipindi Cha mwezi Oktoba 2022 Hadi Disemba 2022.