Dkt.Haji Mnasi amshukuru Rais Samia Kwa kuwajali Wananchi

Posted on: March 19th, 2024

DKT MNASI AMSHUKURU RAIS SAMIA KWA KUJALI WANANCHI

Mkurugenzi Mtendaji Halmashauri ya Wilaya ya Siha Dkt Haji Mnasi amemshukuru Rais wa Jamhuri ya Muungano wa Tanzania Mhe. Dkt Samia Suluhu Hassan kwa kuridhia ombi la wananchi wa Kijiji cha Kalimaji kuwaongezea eneo la makazi kutoka hekari 200 hadi 1200.

Akizungumza katika mkutano cha wananchi wa Kijiji cha Kalimaji na Mkuu wa Wilaya ya Siha kikao  cha kusikiliza Kero za wananchi kilichofanyika leo Machi 19, 2024 katika Zahanati ya kijiji hicho, Dkt Mnasi amesema Ofisi ya Mkurugenzi itaanza mara moja taratibu za kulitenga eneo kutoka Kituo cha Utafiti wa Mifugo (TALIRI) Kanda ya Kaskazini na zoezi la upimaji ili litafanywa na wataalam ardhi waliopo Wilaya ya Siha kwa kushirikiana na uongozi wa Kijiji.

Dkt Mnasi amewaomba Wananchi wa Kijiji cha Kalimaji kushirikiana kwa karibu na wataalamu wa ardhi Wilaya ya Siha na Mkoa katika upimaji na ugawaji wa eneo hilo lililotolewa na Rais wa Jamhuri ya Muungano wa Tanzania kwa ajili ya makazi.

“Tusikubali kuzalisha migororo yoyote ya ardhi kwenye eneo hili kwa sababu mmeomba kwa muda mrefu, na ushirikiano mtakaowapa Maafisa Ardhi na Mipango Miji utasaidia kwa kiasi kikubwa kutozalisha migogoro ya ardhi” amesema Dkt Haji Mnasi

“Pia nawaomba Watendaji wa Kata na Vijiji kusimamia kwa ukaribu zoezi hili ili Taratibu, Kanuni na Miongozo izingatiwe katika kila hatua” ameongeza Dkt Mnasi.