DED Siha awataka Walimu kuendelea kufanya kazi kwa bidii zaidi

Posted on: July 24th, 2024

UONGOZI KWA VITENDO:Dkt Haji Mnasi DED SIHA

Mkurugenzi Mtendaji Halmashauri ya Wilaya ya Siha Dkt.Haji Mnasi mapema leo asubuhi saa 1:30 kabla ya ratiba ya masomo kuanza alifundisha somo la Hisabati kwa Wanafunzi wa Darasa la Saba katika Shule ya awali na Msingi NGARE MJI iliyopo Kata ya Ngarenairobi Tarafa ya Siha magharibi.

Huu ni mwendelezo wa Mkurugenzi Mtendaji kutembelea na  kukagua utendaji kazi wa Watumishi wa Halmashauri ya Siha katika sehemu za kutolea huduma zikiwemo Shule za Msingi na Sekondari,Zahanati,Vituo vya Afya,Ofisi za Vijiji na Kata na maeneo mengine yaliyochini ya Halmashauri.

Akiwa Shule ya awali na Msingi NGARE MJI Dkt.Mnasi amewapongeza Walimu kwa kazi nzuri wanayoifanya ya kufundisha watoto Mashuleni na kuwapa malezi bora ili kujenga Tanzania imara na yenye maadili mema kwa Maendeleo ya kiuchumi,Kisiasa na kiutamaduni.