DED SIHA apongezwa usimamizi Bora miradi ya Maendeleo

Posted on: May 3rd, 2024

Mkuu wa Wilaya ya Siha Mhe.Dkt.Christopher Timbuka leo tarehe 3 Mei,2024 aweka jiwe la Msingi nyumba mpya ya Mkurugenzi Mtendaji Halmashauri ya Wilaya ya Siha.

Taarifa ya ujenzi ilitolewa na Ndugu Eleonora Lyimo Mkuu wa Divisheni ya Utawala na RasiliMali watu kwa niaba ya Mkurugenzi Mtendaji na kueleza kuwa nyumba hiyo imejengwa na Serikali Kuu kwa jumla ya shilingi milioni 150 na ipo katika hatua za  mwisho za ukamilishwaji.

"Napenda kukujulisha kuwa kabla ya tarehe 15 Mei,2024 nyumba itakuwa imekamilika kabisa na Mkurugenzi atakuwa ameshahamia " alisema na kuongeza Lyimo.

Awali akimkaribisha  Mkuu wa Wilaya kuweka jiwe la msingi, Mwenyekiti wa Halmashauri ya Wilaya ya Siha Mhe.Duncan Urassa amemshukuru  Mhe.Dkt.Samia Suluhu Hassan Rais wa Jamhuri ya Muungano wa Tanzania kwa kuleta fedha nyingi za miradi ya Maendeleo katika Wilaya ya Siha.

Naye Mhe.Dkt.Christopher Timbuka Mkuu wa Wilaya ya Siha baada ya kufanya ukaguzi wa mradi ametoa pongezi kwa Mkurugenzi Mtendaji na Wataalam wa Halmashauri kwa usimamizi mzuri wa ujenzi wa jengo hilo.

"Napenda kutoa pongezi zangu za dhati kwa ujenzi bora wa nyumba hii ya  Mkurugenzi na ni matumaini yangu kuwa Mkurugenzi amepata mahali pa kuishi kutakapomsaidia kufanya majukumu yake ya kila siku Kwa utulivu zaidi" alisema na kuongeza Dkt.Timnuka DC Siha