DC Siha asisitiza miradi kukamilika kwa wakati na kuzingatia ubora

Posted on: November 4th, 2021

Mkuu wa Wilaya ya Siha mhe.Thomas Apson amesisitiza miradi yote ya Serikali inayotekelezwa katika Wilaya ya Siha kufanyika kwa kuzingatia muda uliowekwa na miradi hiyo kuwa katika ubora na viwango vinavyotakiwa.

DC Siha mhe. Thomas Apson(pili kushoto) akiwa katika kijiji cha Mendai kukagua ujenzi wa madarasa 4

Kauli hiyo ameitoa leo tarehe 4 novemba 2021 alipokuwa katika muendelezo wa ziara yake ya kikazi Wilayani Siha ya kukagua utelezaji wa miradi  ya maendeleo  iliyopatiwa fedha hivi karibuni na Serikali ya awamu ya Sita kwa ajili  ya utekelezaji wa mpango wa maendeleo kwa ustawi wa Taifa na mapambano dhidi ya ugonjwa wa uviko 19.

Mkuu wa Wilaya akiwa akikagua  kazi ya ujenzi wa madarasa matatu shule ya sekondari Karansi

Akiwa katika Kata ya Karansi kijiji cha Mendai inapojengwa shule shikizi ya msingi, Mkuu wa Wilaya ya Siha ameridhishwa na kasi ya ujenzi wa madarasa manne unaoendelea katika kijiji hicho kwa gharama ya shilingi milioni 80.

DC Siha akiangalia kazi ya ujenzi inayoendelea shule shikizi ya Neema Kata ya Gararagua

Mkuu wa Wilaya ya Siha akiwa na baadhi ya  wanakamati  wa ujenzi shule shikizi ya Neema

Awali akimpokea Mkuu wa Wilaya ,Diwani wa Kata ya Karansi mhe. Duncan Urassa ambaye pia ni mwenyekiti wa Halmashauri ya Siha ameishukuru Serikali ya Rais Samia kwa kuipatia Halmashauri ya Siha fedha nyingi za miradi ya maendeleo kwa kipindi hiki 

DC Siha leo tarehe 4 novemba akiangalia kazi ya ujenzi  madarasa 3 Karansi Sekondari

Akiwa katika mradi wa ujenzi wa madarasa manne shule shikizi ya msingi Neema Mkuu wa Wilaya amezitaka kamati zote zilizoundwa kusimamia mradi huo kutekeleza majukumu yao kwa uzalendo na uadilifu mkubwa ili fedha za Serikali zitoe matokeo makubwa kwa ustawi wa jamii.

Mhe.Thomas Apson akiwa Ndinyika katika ujenzi wa shule shikizi Namayani

Wanakamati wa kusimamia ujenzi katika shule shikizi Namayani wakiwa na Mkuu wa Wilaya ya Siha

Katika ziara hiyo Mkuu wa Wilaya ya Siha  kwa siku ya leo tarehe 4 novemba 2021 amefanikiwa kutembelea miradi mitano ya ujenzi wa madarasa ya shule za msingi na Sekondari  katika Vijiji vya Mendai,Karansi,Ndinyika,Mawasiliano na Magadini 

DC Siha akiwa katika ukaguzi wa ujenzi wa darasa moja na ofisi katika shule ya Magadini Sekondari

  Baadhi ya Walimu na Mtendaji Kata ya Gararagua wakiwa na Mkuu wa Wilaya ya Siha eneo la ujenzi