Bustani ya Wanyama pori Wilayani Siha Kilimanjaro yaendelea kuwa kivutio

Posted on: September 2nd, 2022

Waziri wa Mifugo na Uvuvi mhe.Mashimba Ndaki leo ijumaa 2 septemba,2022 ametembelea bustani ya wanyama pori iliyopo Wilaya ya Siha Mkoa wa Kilimanjaro na kujionea mengi kuhusu utalii wa Wanyama pori kupitia bustani hiyo.

mhe. Mashimba Ndaki waziri wa mifugo na uvuvi(wa tatu kutoka kulia) aliangalia simba katika bustani ya Wanyama Siha

Akiwa katika bustani hiyo mhe, Waziri wa Mifugo ametoa pongezi kwa mmiliki wa bustani hiyo kwani amefanya jambo kubwa la uwekezaji katika mkoa wa Kilimanjaro na Taifa kwa ujumla kwa kuwa na idadi kubwa ya wanyama pori akiwemo simba,Twiga ,Pundamlia na wengine wengi.

mhe. waziri wa mifugo na Uvuvi akiwa na Viongozi mbalimbali mara baada ya kuwasili katika bustani ya wanyama (Serval WildLife) Wilayani Siha

Ametoa wito kwa Watanzania wote kutembelea bustani hiyo iliyopo Wilaya ya Siha Kilimanjaro  na kucheza na wanyama kama vile simba kitu ambacho ni adimu sana kupatikana katika maeneo mengine ya hapa nchini,Naomba wanasiha na Kilimanjaro na Watanzania kwa ujumla mtembelee bustani hii ya wanyama pori ninyi na familia zenu.

mhe. Waziri wa Mifugo na Uvuvi Mashimba Ndaki leo 2 Septemba,2022 akizindua shamba la kuku Aviagen East Africa Limited West Kilimanjaro Wilaya ya Siha

Mhe . Waziri wa Mifugo na Uvuvi ametembelea bustani hiyo ya wanyama akiwa njiani kuelekea shamba la kuku Aviagen East Africa Limited ambapo ameweka jiwe na msingi la shamba hilo na kufanya ufunguzi wa mradi mkubwa wa ufugaji wa kuku Tanzania na Afrika mashariki unaokadiriwa kuwa na gharama ya zaidi ya Bilioni 35 fedha za kitanzania.