BILIONI 4.67 ZATOLEWA NA SERIKALI YA AWAMU YA SITA KUBORESHA ELIMU MSINGI

Posted on: November 30th, 2023

BILIONI 4.67 ZAPOKELEWA  KIPINDI CHA AWAMU YA SITA SEKTA ELIMU MSINGI

Katika Kipindi cha miaka mitatu cha  uongozi wa  awamu ya Sita kinachoongozwa na Mhe. Dkt. Samia Suluhu Hassan Rais wa Jamhuri ya Muungano wa Tanzania Halmashauri ya Wilaya ya Siha imepokea zaidi ya shilingi Bilioni 4.67 kuboresha sekta ya elimu Msingi na Awali.

Taarifa hiyo imetolewa 24 Nonemba,2023 na Dkt. Haji Mnasi Mkurugenzi Mtendaji Halmashauri ya Wilaya ya Siha wakati akiongea na vyombo vya Habari katika ukumbi wa mikutano wa Mkuu wa Mkoa wa Kilimanjaro.

Dkt. Mnasi akisoma taarifa ya Halmashauri ya Wilaya ya Siha ametaja mafanikio hayo ikiwa ni katika sekta ya elimu msingi na awali ambapo amesema Halmashauri ya Siha katika kipindi cha miaka mitatu ya Rais Samia imepokea billion 3.05 za ujenzi na uboreshaji wa miundombinu shule za msingi na awali na shilingi  billion 1.6 za elimu bila malipo.

“Napenda kuwataarifu kuwa hela hizo zimetumika katika ujenzi wa shule mpya 6,ujenzi wa vyumba vya Madarasa 106,ununuzi wa madawati 461,ujenzi wa nyumba 6 za walimu,ujenzi wa matundu 111 ya vyoo na kuajiri walimu 29” alisema na kuongeza Dkt. Mnasi.

Amesema kuwa mafanikio haya yote yametokana na ushirikiano mzuri uliopo kati ya Wananchi pamoja na Viongozi waliopo katika ngazi mbalimbali Wilayani Siha akiwemo Mhe. Mbunge ,Mkuu wa Wilaya pamoja na Baraza la Madiwani.

Taarifa ya Halmashauri ya Siha iliyotolewa kwa vyombo vya habari ilieleza kuwa katika kipindi cha Serikali ya  awamu ya Sita ,Halmashauri ya Siha imepokea bilioni 21.75 kwa ajili ya miradi mbalimbali ya maendeleo ikiwemo miradi ya sekta ya elimu,Afya,Kilimo na Mifugo,Uwezeshaji wananchi kiuchumi na Mfuko wa TASAF.