Utalii

Halmashauri ya Wilaya ya Siha inazo fursa nyingi za kuwekeza katika sekta ya utalii hususani,nafasi za kujenga Hotel mbalimbali kwa ajili ya Watalii wanaopanda mlima Kilimanjaro kupitia lango la Londrosi gate.

 Halmashauri ya Wilaya ya Siha bado uwekezaji katika Hotel na Restaurents haujakidhi mahitaji ya Wageni mbalimbali wanaoingia katika Wilaya ya Siha. Miundombinu yetu ni bora na inakidhi viwango kwa wageni na wenyenyeji kusafiri maeneo yote ya Wilaya ya Siha bila kikwazo chochote kwani barabara zetu zinapitika mwaka mzima.

Halmashauri ya Wilaya ya Siha inawakaribisha Watanzania na Raia wa kigeni kuwekeza katika ujenzi wa Hotel za Kitalii pamoja na nyumba za kulala wageni zilizo bora katika maeneo mbalimbali ya Wilaya ya Siha ambapo fursa hii bado inahuhitaji mkubwa katika Wilaya yetu. kutokana na uhaba wa huduma hizi wageni wengi wanapata huduma hizi mjini Moshi na katika jiji la Arusha jambo ambalo linasababisha usumbufu mkubwa kwa wageni na watanzania wanaotembelea Wilaya ya Siha.

Wilaya ya inalo eneo ambalo wageni wakipanda mlima wanaweza kuwaona wanyama pori  mbalimbali  wakiwemo Twiga,Pundamlia,Swala ,Nyumbu na Pofu ambapo wanyama hawa wanaonekana karibu na lango la kuingilia Londrosi gate ,ambapo lango hili wageni hupita kwa wingi ili kupanda mlima Kilimanjaro kwa urahisi zaidi. 

Wilaya ya Siha pia inaoulinzi wa kutosha maeneo yote hii imetokana na kambi kubwa ya chuo cha Polisi Moshi kufanyika katika maeneo mbalimbali ya Wilaya ya Siha. Karibu sana Wilaya ya Siha uwekeze kwa maendeleo yako kiuchumi pamoja na maendeleo ya Wilaya na Taifa kwa ujumla.