Karibu Sana Halmashauri ya Wilaya ya Siha-Kilimanjaro

Karibu Wilaya ya Siha Mkoa wa Kilimanjaro

Wilaya ya Siha ni kati ya Wilaya saba zinazounda Mkoa wa Kilimanjaro, Wilaya yetu inaukubwa wa kilometa za mraba 1,158. Upande wa magharibi inapakana na mkoa wa Arusha ,Kaskazini imepakana na Loitok na Wilaya ya Longido,Mashariki Hifadhi ya Mlima Kilimanjaro,Kusini Wilaya ya Hai.

Wilaya ya Siha ndiyo wilaya ya pekee katika mkoa wa Kilimanjaro yenye ardhi yenye rutuba kwa ajili ya mazao ya kilimo na biashara,Aidha Wilaya ya Siha bado inazo fursa nyingi za uwekezaji kutokana na hali nzuri ya hewa inavutia wenyeji pamoja na wageni kutoka ndani na nje ya Tanzania.

Pia Wilaya ya Siha ndio wilaya ya pekee katika mkoa wa Kilimanjaro yenye makabila zaidi ya 120 yaliyopo hapa nchini Tanzania na wageni wa Wilaya ya Siha wanapenda wageni na wenyeji bila kujali tofauti za Kiimani,Itikadi wala maeneo watu wanapotoka.

Utoaji wa huduma za Afya,Maji,Elimu ,mawasiliano  katika Wilaya ya Siha ni wa kiwango cha juu sana,hii ni kutokana na mikakati ya viongozi na Serikali katika kuinua hali ya maisha ya wananchi na wakazi wa Siha.

Takwimu zinaonyesha kuwa hali ya upatikanaji wa huduma ya maji safi na Salama hadi Desemba,2017 upo kwa zaidi ya asilimia 85 na vijiji vyote 60 vilivyopo wananchi wake wanapata maji chini ya mita 400.

Wageni wote tunawakaribisha Wilaya yetu ya Siha ili  mjionee na kushiriki katika uwekezaji wa maendeleo katika sekta mbalimbali.